Балабақша мен қоштасу ертеңгілігі

2019 жылдың 30-31 мамырында №14 "Достық" балабақшасы даярлық топтарының бітіру ертеңгіліктері өтті. Бұл іс-шара тек қана кішкентай түлектер үшін емес, олардың төрт жыл бойы мәпелеп тәрбиелеген тәрбиешілеріне және  ата-аналарына да қатысты. Мерекелік безендірілген музыкалық залға қонақтар шақырылды.Олар  – балабақша меңгерушісі мен әдіскерлері, осы топтарда жұмыс істеген педагог-мамандар , ата-аналар. Кішкентай түлектердің атына көптеген құттықтаулар мен тілектер айтылды. Ал балалар төрт жыл бойы үйренген бар өнерлерін 3 тілде өлең жолдары, билер, сахналық көріністер арқылы көрсетті. Ата-аналар өз ризашылықтарын білдіріп,  балабақша қызметкерлеріне  алғыс хаттар жолдады.